07 Mai Obxectivo: Creación dun parque infantil no núcleo de Cartelle
O noso alcalde, Jaime Sousa, tramitou a petición de reunión co Vicepresidente da Xunta de Galicia, Alfonso Rueda, co obxecto de facer unha solicitude para a creación dun parque infantil no núcleo de Cartelle.
As obras previstas, estimadas nun orzamento de execución de 59.476 €, consistirán en:
- Soleiras e solados
- Muros de contención e,
- Mobiliario e xogos
Dende o Concello de Cartelle somos optimistas de que a Xunta atenderá esta petición, para que os veciños e os seus cativos, podan gozar en breve dunha nova área de esparexemento e lecer.
