26 Out Recuperando o patrimonio de Cartelle
Os alumnos do obradoiro de emprego “Río Arnoia” afánanse na recuperación de patrimonio histórico do noso concello con distintos proxectos de rehabilitación.
Un exemplo das obras que se están desenvolvendo é a recuperación de muros, fontes e lavadoiros. Para estes traballos estase utilizando pedra en desuso de casas en estado ruinoso e abandonadas sen posibilidade de restauración.
Deste xeito e segundo palabras do noso alcalde logramos “recuperar o patrimonio con pedra tradicional quitando un perigo da vía pública, como son as casas en ruínas dos pobos”.
